ҚҰРМЕТТІ GOSZAKUP.GOV.KZ ВЕБ-ПОРТАЛЫНЫҢ ПАЙДАЛАНУШЫЛАРЫ!

Қазақстан Республикасының 2015 жылғы 4 желтоқсандағы № 434-V ҚРЗ «Мемлекеттiк сатып алу туралы» Заңының (бұдан әрі – Заң) 44-бабы 1- тармағына сәйкес, егер жеңімпаз деп танылған не екінші орын алған әлеуетті өнім беруші осы Заңда белгіленген мерзімдерде тапсырыс берушіге мемлекеттік сатып алу туралы қол қойылған шартты ұсынбаса немесе мемлекеттік сатып алу туралы шарт жасасып, мемлекеттік сатып алу туралы шарттың орындалуын қамтамасыз етуді және (немесе) Заңның 26-бабына сәйкес соманы енгізбесе, онда мұндай әлеуетті өнім беруші мемлекеттік сатып алу туралы шарт жасасудан жалтарды деп танылады.

Қазақстан Республикасы Қаржы министрінің 2015 жылғы 11 желтоқсандағы № 648 бұйрығымен бекітілген «Мемлекеттік сатып алуды жүзеге асыру қағидаларының» 416-тармағы 4) тармақшасына сәйкес, шарттың орындалуын қамтамасыз етуді және (немесе) Заңның 26-бабына сәйкес соманы енгізбеу жолымен шарт жасасудан жалтарған жағдайда, оны кез келген кезеңде бұзу туралы шартты қамтуы тиiс. Бұл ретте тапсырыс беруші шарттың орындалуын қамтамасыз етуді енгізу күнінен бастап екі жұмыс күні ішінде веб-портал арқылы өнім берушіге шартты бұзуға ниеттілігі туралы хабарлама жібереді. Егер өнім беруші веб-портал арқылы хабарламаны алған күннен бастап үш жұмыс күні ішінде шарттың орындалуын қамтамасыз етуді енгізбесе, тапсырыс беруші шартты бұзу туралы хабарлама жібереді. Жоғарыда баяндалғанға байланысты, тапсырыс беруші шарттың орындалуын қамтамасыз етуді енгізу күнінен бастап екі жұмыс күні ішінде веб-портал арқылы өнім берушіге шартты бұзуға ниеттілігі туралы хабарлама жіберуге міндетті екеніне назар аударуыңызды сұраймыз.

Сонымен қатар, Қазақстан Республикасы Қаржы министрінің 2015 жылғы 28 желтоқсандағы № 694 бұйрығымен бекітілген «Мемлекеттік сатып алу саласындағы тізілімдерді қалыптастырудың және жүргізудің қағидаларының» (бұдан әрі – Қағида) 25-тарамғына сәйкес, мемлекеттік сатып алу туралы шарт жасасып, мемлекеттік сатып алу туралы шарттың орындалуын қамтамасыз етуді және (немесе) Заңның 26-бабына сәйкес соманы енгізбеу жолымен мемлекеттік сатып алу туралы шарт жасаудан жалтарған әлеуетті өнім беруші осы Қағиданың 5-қосымшасына сәйкес нысан бойынша уәкілетті органның веб-портал арқылы қабылдаған шешімімен мемлекеттік сатып алуға жосықсыз қатысушылар тізіліміне енгізіледі.

Қағидалардың 24-тарамғына сәйкес, заңнамаға сәйкес уәкілетті органға ұсынған мәліметтердің дұрыстығы үшін тапсырыс беруші жауапты болады. Тапсырыс берушінің ұсынған мәліметтерін қарау кезінде уәкілетті орган оның толтырылуының толықтығы мен дұрыстығын тексеруде форматты-логикалық бақылауды жүзеге асырады.

Осыған орай, тапсырыс берушілер веб-портал арқылы уәкілетті органға әлеуетті өнім берушілер немесе өнім берушілер туралы мәлімет берген кезде шартты бұзуға ниеттілігі туралы және шартты бұзу туралы хабарламаның көшірмелерін қоса берулерін сұраймыз.

ҚҰРМЕТТІ GOSZAKUP.GOV.KZ ВЕБ-ПОРТАЛЫНЫҢ ПАЙДАЛАНУШЫЛАРЫ!

Қазақстан Республикасы Қаржы министрлігі Мемлекеттік сатып алу комитеті осы хатпен келесіні хабарлайды. 2016 жылдың 1 қаңтарынан бастап «Мемлекеттік сатып алу туралы» Қазақстан Республикасының 2015 жылғы 4 желтоқсандағы № 434-V жаңа Заңы (Бұдан әрі –Заң) қолданылуда.

Заңның 12 - бабының 4 - тармағына сәйкес Мемлекеттік сатып алуға жосықсыз қатысушылардың тізілімі (Бұдан әрі – ЖҚТ):

1) тапсырыс берушілер мемлекеттік сатып алу туралы шарттарды біржақты тәртіппен бұзған, орындалуы барысында өнім берушінің біліктілік талаптары мен конкурстық құжаттаманың (аукциондық құжаттаманың) талаптарына сәйкес келмейтіндігі немесе өзінің осындай талаптарға сәйкестігі туралы анық емес ақпарат бергені, соның нәтижелері бойынша осындай шарт жасалып, оның конкурс (аукцион) жеңімпазы болуына мүмкіндік бергені анықталған өнім берушілердің;

2) мемлекеттік сатып алу туралы шарт жасасудан жалтарған, жеңімпаздар деп айқындалған әлеуетті өнім берушілердің (екінші орын алған әлеуетті өнім берушілердің);

3) өздерімен жасалған мемлекеттік сатып алу туралы шарттар бойынша өз міндеттемелерін орындамаған не тиісінше орындамаған өнім берушілердің тізбесін білдіреді.

Заңның 12 - бабының 5 - тармағының екінші абзацына сәйкес Заңның 12 бабы 4-тармағы бірінші бөлігінің 2) тармақшасында көзделген мемлекеттік сатып алуға жосықсыз қатысушылардың тізілімі уәкілетті органның әлеуетті өнім берушілерді мемлекеттік сатып алуға жосықсыз қатысушылар деп тану туралы шешімі негізінде қалыптастырылады.

Сонымен бірге, Қазақстан Республикасы Жоғарғы соты 2016 жылғы 15 наурыздағы № 6001-16-3-1-6/28 хатымен (хаттың көшірмесі қоса берілді) Қазақстан Республикасы Қаржы министрлігі келесідей хабарлағандығын атап өтеміз.

Шарт жасаудан жалтару негізі бойынша жосықсыз қатусышылар деп таңу туралы талап арыздары жаңа Заң қабалданғанға дейін бұзышылық орын алған жағдайда ғана сотпен қаралуы мүмкін.

Егер бұзушылық Заң қолданысқа енгеннен кейін орын алса, бұл мәселенің шешімі уәкілетті органның құзыретіне жатады. Жоғарыда мазмұндалғанның негізінде ЖҚТ-не енгізу үшін, уәкілетті органның (ҚР ҚМ Мемлекеттік сатып алу комитеті - БСН 140540018167) мекен-жайына растайтын құжаттарды, талап арызды қараудан бас тарту туралы сот ұйғарымын, сонымен қоса қосымшаға сәйкес нысанда (қосымша қоса берілді) өнім беруші туралы мәліметтерді мемлекеттік сатып алу веб-порталы арқылы жолдау қажет.

ҚР ҚАРЖЫ МИНИСТРЛІГІНІҢ «ҚАРЖЫЛЫҚ БАҚЫЛАУ КОМИТЕТІ» ММ

ҚР Қаржы министрлігі Қаржылық бақылау комитеті төрағасының 2016 жылғы 12 ақпандағы №9 бұйрығымен бекітілген камералдық бақылау тәуекелдері бейіндерінің тізбесі бойынша ақпаратты ұсынады.

ҚҰРМЕТТІ GOSZAKUP.GOV.KZ ВЕБ-ПОРТАЛЫНЫҢ ПАЙДАЛАНУШЫЛАРЫ!

Жаңарту және броньнан шығару тәртібімен 2016 жылы шығарылатын мемлекеттік резервтің материалдық құндылықтары тізбесімен, Сіз мына сілтеме бойынша таныса алатыныңызды хабарлаймыз.

ҚҰРМЕТТІ ПАЙДАЛАНУШЫЛАР!

13 сәуірде Борышкерлердің бірыңғай тізіліміне (бұдан әрі - ББТ) қосуға әлеуетті өнім берушілерді тексеру функционалы іске қосылған. Мемлекеттік сатып алу туралы Заңның 6 б. 1 т. 8 тт. сәйкес: әлеуетті өнім берушінің және (немесе) ол тартатын қосалқы мердігердің (бірлесіп орындаушының) атқарушылық құжаттар бойынша орындалмаған міндеттемелері болса және атқарушылық құжаттардың орындалуын қамтамасыз ету саласында мемлекеттік саясатты іске асыруды және мемлекеттік реттеуді жүзеге асыратын уәкілетті орган оларды Борышкерлердің бірыңғай тізіліміне енгізеді. ББТ қосуға тексерістер өнім берушінің өтінімді (баға ұсынысын) беру, конкурста қорытындылар хаттамасын, алдын ала рұқсат хаттамасын және аукционда рұқсат хаттамасын қалыптастыру кезеңінде жүзеге асырылады. ББТ тұрған өнім берушілерден жүйе автоматты бас тартады.

ҚҰРМЕТТІ ПАЙДАЛАНУШЫЛАР!

Мемлекеттік сатып алу веб-порталының «Анықтама – Нормативтік құқықтық актілер» бөлімінде «Мемлекеттік сатып алуды жүзеге асыру қағидаларын бекіту туралы» Қаржы министрінің 2015 жылғы 11 желтоқсандағы № 648 бұйрығына өзгерістер және толықтырулар енгізу туралы» Қаржы министрінің 2016 жылғы 29 ақпандағы № 93 бұйрығының көшірмесі орналастырылғанын хабарлаймыз.

Көрсетілген түзетулер бойынша салыстырмалы кесте келесі сілтемедекөрсетілген.

ҚҰРМЕТТІ WWW.GOSZAKUP.GOV.KZ ВЕБ-ПОРТАЛЫНЫҢ ПАЙДАЛАНУШЫЛАРЫ!

«Мемлекеттік сатып алу туралы» Заңның 13 бабының 5 тармағына сәйкес жаңарту тәртібімен шығарылатын мемлекеттік материалдық резервтің материалдық құндылықтар тізбесінде тапсырыс берушінің талаптарына сәйкес келетін тауарлар болған жағдайда, тапсырыс беруші ең алдымен осы Заңның 39-бабы 3-тармағының 8) тармақшасына сәйкес, жаңарту тәртібімен шығарылатын мемлекеттік материалдық резервтің материалдық құндылықтарын сатып алуды Қазақстан Республикасының Үкіметі айқындайтын тәртіппен жүзеге асыруға міндетті. Бұл ретте көлік шығыстары, оның ішінде тауарды тиеуге-түсіруге байланысты шығыстар тапсырыс берушінің есебінен жүзеге асырылады.

Жаңарту тәртібімен шығарылатын мемлекеттік материалдық резервтің материалдық құндылықтарының тізбесін мемлекеттік материалдық резерв саласындағы уәкілетті орган қалыптастырады және осы сілтеме бойынша танысуға болады.

ҚҰРМЕТТІ WWW.GOSZAKUP.GOV.KZ ВЕБ-ПОРТАЛЫНЫҢ ПАЙДАЛАНУШЫЛАРЫ!

2016 жылғы 05 сәуірде www.goszakup.gov.kz мемлекеттік сатып алу веб-порталының (бұдан әрі - Портал) түрлендірілген жүйесіндегі «2016 Сатып алу» модулінде мынадай функционалдылық енгізілді:

1. Өтті деп танылған сатып алу бойынша шарт жасасуды тоқтату және (немесе) бастапқы, қайталанатын сатып алуды құруды немесе «Ашық конкурс», «Аукцион», «Мемлекеттік әлеуметтік тапсырысты сатып алу» тәсілдерімен өтпеді деп танылған сатып алу бойынша бір көзден алу тәсілімен сатып алуды құруды тоқтату бойынша. Осы функционал «Тексеретін органдардың қызметкері» рөлімен пайдаланушылар үшін қолжетімді. Функционалмен жұмыс істеудің егжей-тегжейлі сипаттамасы Тапсырыс берушінің және Ұйымдастырушының нұсқаулығында келтірілген.

2. Өнім берушілердің өтініштерін (шағымдарын) қарау нәтижелері бойынша қорытындылардан бас тарту туралы және (немесе) шағымдарды қанағаттандырудан бас тарту туралы және (немесе) конкурстық/аукциондық комиссия мүшелеріне қорытындыларды қайта қарауға жіберу туралы шешімді қабылдау. Осы функционал «Тексеретін органдардың қызметкері» рөлімен пайдаланушылар үшін қолжетімді. Функционалмен жұмыс істеудің егжей-тегжейлі сипаттамасы Тапсырыс берушінің және Ұйымдастырушының нұсқаулығында келтірілген.

3. Тексеретін органдардың қызметкерлері қорытындыларды қайта қарауға жіберу туралы шешімді қабылдағаннан кейін «Қорытындыларды қайта қарау» функционалы өтінімдерді қайта қарау үшін конкурстық/аукциондық комиссия мүшелеріне қолжетімді болады. Функционалмен жұмыс істеудің егжей-тегжейлі сипаттамасы Ұйымдастырушының нұсқаулығында келтірілген.

ҚҰРМЕТТІ WWW.GOSZAKUP.GOV.KZ ВЕБ-ПОРТАЛЫНЫҢ ПАЙДАЛАНУШЫЛАРЫ!

www.goszakup.gov.kz мемлекеттік сатып алу веб-порталының (бұдан әрі - портал) жаңа тұғырында 29 наурызда «Шарттар» модулінің мынадай функционалдылығы жаңартылды:

Шартты жасаған кездегі «Ашық конкурс», «Аукцион», «Мемлекеттік әлеуметтік тапсырыс» тәсілімен сатып алудың қорытындылары бойынша – қорытындыларды жариялау күні және ағымдағы уақыт арасындағы айырма 5 жұмыс күнінен аз болса, жоспар тармақтары бейнеленеді, бірақ таңдау үшін қолжетімсіз.

Шартты жасаған кезде жоспар тармақтарын таңдау нысанында мынадай ақпарат хабары шығарылады:

«Лоттарға, қорытындыларды шығару күнінен бастап 5 жұмыс күні өтпеген қорытындыларға шағым жасалына алады, сонымен байланысты олар бойынша шарт жасау үшін қол жеткізу қорытындыларды шығару күнінен бастап 5 жұмыс күнінен кейін, немесе шағым жасау рәсімі аяқталғаннан кейін ғана ұсынылатын болады».

Осы функционалдылық «Мемлекеттік сатып алу туралы» заңның 47 бабы 2 т. сәйкес іске асырылды.

ҚҰРМЕТТІ WWW.GOSZAKUP.GOV.KZ ВЕБ-ПОРТАЛЫНЫҢ ПАЙДАЛАНУШЫЛАРЫ!

www.goszakup.gov.kz мемлекеттік сатып алу веб-порталының (бұдан әрі - портал) жаңа тұғырында «Шарттар» модулінің мынадай функционалдылығы жаңартылды:

15-17 наурызда мынадай жаңартулар ауыстырылды:

1. Шартты жасаған кездегі жоспар тармақтарын таңдағанда, «Шарт нысандары» қойындысында, шарттың 1-қосымшасында «Қос.сипаттама» алабын бейнелеу қосылды.

2. Өнім берушінің шарт жоспары жасырылды. Егер шартты Тапсырыс беруші растаса ғана, өнім берушіге қарау үшін шарт қолжетімді.

17 наурызда егер өнім беруші 3 күннің ішінде растамаса, өнім берушінің деректерін автоматты түрде жүйенің растауы жөніндегі қателіктер түзетілді. 29 наурызда шарттың мәртебесі «Өнім берушіге келісуге жіберілді» болған, ол бойынша өнім берушіден 3 жұмыс күні ішінде растау алынбаған, келісуге шарттарды жіберу күндері жаңартылды. Өнім берушінің деректерін автоматты түрде жүйенің растауы функционалдылығын Порталдың іске қосуына дейін осы шарттар келісуге жіберілді. Қызметті автоматты іске қосқаннан кейін 2016.30.03 00-00 шартты қалыптастыру мүмкіндігі үшін шарттардың мәртебелері «Тапсырыс берушіге келісуге жіберілді» болып автоматты ауыстырылды.

28 наурызда мынадай жаңартулар жүктелді:

1. Қосымша келісімдегі сома азайған кезде шарттың жалпы сомасын автоматты қайта есептеу.

2. «Шарт және келісу» қойындысында техникалық ерекшелікті, сондай-ақ жүйенің талабы қол қоятын тараптардың техникалық ерекшелікке міндетті түрде қол қоюын бейнелеу.

3. Егер шартқа қол қойғаннан кейін ЖҚТ өнім беруші енгізілсе, шарттағы әрекеттерді орындау мүмкіндігі (шартты тоқтату және орындау жөніндегі әрекеттер, МС туралы есепті қоса жалғау Тапсырыс берушіге қолжетімді).