Қош келдіңіз!

Біз Сізді Қазақстан Республикасы мемлекеттік сатып алу Веб-порталында қош көрдік. Жүйе мемлекеттік сатып алу саласындағы электрондық қызметке біртұтас қол жеткізе отырып мемлекеттік сатып алуларда тапсырыс беруші, ұйымдастырушы және жабдықтаушы ретінде Интернет желісіне қосылған кез келген компьютерден қатысуына мүмкіндік береді.

Сайт жаңалықтары барлық жаңалықтары

Материал из Справочная система веб-портала государственных закупок Республики Казахстан
Перейти к: навигация, поиск


Содержание

Құрметті мемлекеттік сатып алу порталының пайдаланушылары!

12.02.2016

Мемлекеттік сатып алу веб-порталында жоспарлы-профилактикалық жұмыстарды жүргізімен байланысты "Конкурс және Аукцион" модулі 2016 жылғы 13 ақпандағы сағат 10:00 бастап 2016 жылғы 14 ақпандағы сағат 18:00 дейін уақытша қолжетімсіз болады, 2016 жылғы 13 ақпандағы сағат 10:00 бастап 2016 жылғы 14 ақпандағы сағат 18:00 дейінгі кезеңге түсетін өтінімдерді қабылдаудың аяқталу мерзімі, сондай-ақ ашу, қорытындыларды шығару рәсімдері 2016 жылғы 15 ақпандағы сағат 18:00 автоматты ауыстырылатын болады.

Автоматты ауыстырылатын сатып алу бойынша ақпаратты қарау үшін мына сілтеме бойынша өтіңіз.

Осыған байланысты Орталық әлеуетті өнім берушілерге мерзімдері көрсетілген уақыт кезеңіне түсетін сатып алуда қатысу туралы ақпаратты алдын-ала жіберуді ұсынады.

Уақытша қолайсыздықтар үшін кешірім өтінеміз.

Құрметті Өнім берушілер!

02.02.2016

2016 жылғы 01 қаңтардан бастап «Мемлекеттік сатып алу саласында тізілімдерді қалыптастырудың және жүргізудің қағидаларын бекіту туралы» Қазақстан Республикасы Қаржы министрінің 2015 жылғы 28 желтоқсандағы № 694 бұйрығы қолданысқа енгізілгендігін хабарлаймыз.

«Мемлекеттік сатып алу туралы» Заңның 43-бабының 7-тармағына сәйкес Мемлекеттік сатып алу веб-порталында «Сатып алу 2016» модулінде «Мемлекеттік сатып алу туралы» Заңда белгіленген Тапсырыс беруші мемлекеттік сатып алу туралы шарттың жобасын оған ұсынған күннен бастап 3 жұмыс күні мерзімінде мемлекеттік сатып алу туралы шартқа қол қойылмауына байланысты әлеуетті өнім берушіні не өнім берушіні Жосықсыз қатысушылар тізіліміне автоматы түрде қосу жөніндегі функционал іске асырылғандығына Сіздердің назарларыңызды аударамыз.

Барлық мемлекеттік мекемелерге!

28.01.2016

«Қазынашылық-Клиент» АЖ және «Электрондық мемлекеттік сатып алу» АИАЖ интеграциялық жүйелеріне тест жүргізу бойынша техникалық жұмыстардың жүргізілуіне, сондай-ақ жасалған шарттарды веб-портал арқылы қазынашылық органдарына тіркеуге жіберу жөніндегі функционалды пайдалануға енгізуге арналған нормативтік құқықтық базаның дайындалуына байланысты Қазақстан Республикасының Қаржы министрлігі мынадай шешім қабылдады.

Уақытша, көрсетілген шарттарды интеграциялағанға дейін, веб-порталда жасалған және қазынашылық органдарында тіркеуге жататын мемлекеттік сатып алу туралы шарттарды (шарттарға қосымша келісімдерді) кейіннен «Қазынашылық-Клиент» АЖ арқылы немесе қағаз тасығышта қазынашылық органдарына тіркеу үшін жолдай отырып, басып шығару және мемлекеттік мекеме басшысының қолын қойып куәландыру қажет.

Бұл ретте шарттың веб-порталда жасалуының шынайылығы жүйеде жасалған электрондық шартқа меншіктелетін бірегей код арқылы анықталатындығын атап өтеміз.

Құрметті Мемлекеттік сатып алудың тапсырыс берушілері!

26.01.2016

Мемлекеттік сатып алу веб-порталында жылдық жоспарды импорттау шаблоны ТҚЖ БНА және Бюджет шығыстарының функционалдық сыныптамасы кодтары бойынша жаңартылғандығын хабарлаймыз.

Жылдық сатып алу жоспарының шаблонын көшіріп жүктеу және оны толтыру әдістемесімен танысу үшін сілтеме бойынша өтіңіз:

- Сатып алу субъектілеріне арналған шаблон;

- Сатып алу субъектілері болып табылмайтындарға арналған шаблон.

Жұмыс алдында шаблонды толтыру әдістемесімен танысуды сұраймыз

Құрметті goszakup.gov.kz веб-порталының пайдаланушылары!

05.01.2016

Осымен «Электрондық коммерция орталығы» ЖШС мемлекеттік сатып алу саласында бірыңғай оператор бола отырып Қазақстан Республикасы Қаржы министрінің 2015.11.12 №648 бұйрығымен бекітілген 2016 жылғы жаңа Мемлекеттік сатып алуды жүзеге асыру ережесіне сәйкес веб-портал тұғырының жаңа нұсқасы мына сілтеме бойынша қолжетімді екенін хабарлайды.

Ақпараттық қауіпсіздіктің талаптарын қамтамасыз ету мақсатында барлық пайдаланушылар өз есептік деректерінде қайта тіркелуді жүргізу қажет екенін хабарлаймыз. Сонымен қатар, веб-порталдың бұрынғы тұғырында олар бойынша сатыпалуды веб-порталдың ескі тұғырында аяқтау қажет - 2015 жылы жарияланған 2016 жылғы қайта және өтпеді деп танылған сатып алуды қоспағанда сатып алу туралы хабарландыруларды жариялау функционалы жабық.

Жұмысты жалғастыру үшін :

1. қол қоюға арналған бағдарламаны және Ұлттық Куәландырушы Орталығының негізгі куәліктерін орнату қажет;

2. егжей-тегжейлі ақпаратты алу үшін Тіркелу бойынша пайдаланушының нұсқаулығымен,Тапсырыс берушінің нұсқаулығымен, Ұйымдастырушының нұсқаулығымен және Өнім берушінің нұсқауылығымен танысуды өтінеміз

Құрметті мемлекеттік сатып алу порталын пайдаланушылар!

11.01.2016

«Баға ұсыныстары» модулінде «Баға ұсыныстарын сұрату» тәсілімен 2016 жылға жарияланған сатып алудың болмайтындығын хабарлаймыз. Сатып алу бойынша ақпаратты қарау үшін мына сілтеме бойынша өтіңіз.

«Мемлекеттік сатып алу туралы» Қазақстан Республикасының Заңына және Мемлекеттік сатып алуды жүргізу ережесіне сәйкес 2016 жылға арналған жылдық жоспарды орналастыру және сатып алуды жариялау 2016 жылғы 01 қаңтардан бастап «Сатып алу 2016» бөлімінде жүзеге асырылуы тиіс екендігін атап өтеміз.

Құрметті пайдаланушылары!

08.01.2016

Құрметті мемлекеттік сатып алудың Тапсырыс берушілері, Қазақстан Республикасы Қаржы министрінің 2015 жылғы 21 желтоқсандағы № 669 «Мемлекеттік сатып алуды ұйымдастыруды және өткізуді бірыңғай ұйымдастырушы жүзеге асыратын тауарлардың, жұмыстардың, көрсетілетін қызметтердің тізбесін бекіту туралы» бұйрығына сәйкес, аталған сатып алу тізбесінің ұйымдастырушы болып Қазақстан Республикасы Қаржы министрлігінің Мемлекеттік сатып алу комитеті (бұдан әрі - Комитет) анықталғандығын хабарлаймыз.

Осыған орай, сатып алуға ұсыныс әзірлеу кезінде ББӘ тізіліміне енген Тапсырыс берушілер (бұдан әрі – Тапсырыс берушілер),ТЖҚ кестесімен танысулары қажет. Аталған кестедегі «ТЖҚК» бағанында бар код сатып алуға ұсыныста қолданылған жағдайда, Тапсырыс берушілер мемлекеттік сатып алудың ұйымдастырушы ретінде Комитетті, БСН 140540018167 таңдауға міндеттенеді. Барлық туындаған сұрақтар бойынша Сіздер Комитеттің мекен-жайына: 8 (71-72) 71-74-11,8 (71-72) 71-71-25, 8 (71-72) 71-86-20 телефондарына және t.kudabayev@minfin.gov.kz, s.baimagambetov@minfin.gov.kz электрондық мекен-жайларына жүгіне аласыздар».

Құрметті goszakup.gov.kz веб-порталының пайдаланушылары!

06.01.2016

Қол қоюға арналған бағдарлама нұсқасы жаңартылғанын хабарлаймыз, жаңартылуда ұйымның ішкі желілерін қорғау үшін прокси-серверлерде пайдалану кезінде файлдарға қол қоюмен байланысты қателік түзетілген.

Қателіктерді жою үшін, бағдарламаның жаңартылған нұсқасын жүктеңіз және тіркеу бойынша пайдаланушының нұсқаулығына сәйкес орнатыңыз.

Құрметті пайдаланушылары!

06.01.2016

Қазақстан Республикасы Қаржы Министрлігі Мемлекеттік сатып алу комитеті, шарт жасасудан жалтарған әлеуетті өнім берушілерді мемлекеттік сатып алудың жосықсыз қатысушысы деп тануға қатысты мәселелердін туындауына байланысты келесіні түсіндіреді.

01.01.2016 жылы қолданысқа енген Қазақстан Республикасы «Мемлекеттік сатып алу туралы» Заңының 12 бабы 5 тармағының екінші бөлігіне сәйкес, мемлекеттік сатып алуға жосықсыз қатысушылардың тізілімі, мемлекеттік сатып алу туралы шарт жасасудан жалтарған, жеңімпаздар деп айқындалған әлеуетті өнім берушілерге (екінші орын алған әлеуетті өнім берушілердің) қатысты, уәкілетті органның әлеуетті өнім берушілерді мемлекеттік сатып алуға жосықсыз қатысушылар деп тану туралы шешімі негізінде қалыптастырылады.

Сонымен қатар, Қазақстан Республикасы «Нормативтiк құқықтық актiлер туралы» Заңының 37 бабы 1 тармағына сәйкес, нормативтiк құқықтық актiнiң күшi оны күшiне енгiзгенге дейiн пайда болған қатынастарға қолданылмайды.

Жоғарыда мазмұндалғанның негізінде, 2015 жылы пайда болған мемлекеттік сатып алу шартын жасаудан жалтарған немесе қамтамасыз етуді енгізбеген жағдайдағы құқықтық қатынастар жөнінде тапсырыс берушілер мемлекеттік сатып алудың жосықсыз қатысушысы деп таңу бойынша сот органдарына жүгінулері қажет.

Құрметті пайдаланушылар!

05.01.2015

Қазақстан Республикасы Қаржы министрінің 2015 жылғы 11.12 №694 бұйрығымен Мемлекеттік сатып алу саласында тізілімдерді қалыптастыру және жүргізу ережесі (бұдан әрі - Ереже) бекітілгенін хабарлаймыз.

Сонымен қатар, осы Ереже 2016 жылғы 1 қаңтардан бастап қолданысқа енгізіледі және ресми жариялануға жатады. Ережемен танысу үшін мына сілтеме бойынша өтіңіздер.

Құрметті пайдаланушылар!

30.12.2015

Қазақстан Республикасы Қаржы министрінің №648 11.12.2015 жылы бұйрығымен Мемлекеттік сатып алуды жүзеге асыру ережесі (бұдан әрі - Ереже) Әділет министрлігінің №12590 28.12.2015 жылы бекітілгенін хабарлаймыз.

Сонымен қатар, осы Ереже 2016 жылғы 1 қаңтардан бастап қолданысқа енгізіледі және 2016 жылғы 1 сәуірден бастап қолданысқа енгізілетін 5-бөлімнің 16 параграфын, сондай-ақ 2017 жылғы 1 қаңтардан бастап қолданысқа енгізілетін 424 және 426 тармақтарды қоспағанда ресми жариялауға жатады.

Ережемен танысу үшін мына сілтеме бойынша өтіңіз.

Құрметті мемлекеттік сатып алу порталын пайдаланушылар!

25.12.2015

Байланыс орталығының интернет-қосылуларын және телефонияны баптау жөніндегі жоспарлы жұмыстардың жүргізілуіне байланысты 2015 жылғы 31 желтоқсанда Байланыс орталығы қызметкерлерінің ҚР мемлекеттік сатып алу веб-порталын сүйемелдеу жөнінде телефон, форум және электрондық почта арқылы консультативтік көмек көрсетуі мүмкін болмайтындығын хабарлаймыз

Осыған байланысты Орталық әлеуетті өнім берушілерге аяқталу мерзімдері көрсетілген уақыт кезеңіне тура келетін сатып алуға қатысу туралы ақпаратты алдын ала жіберуді ұсынады.

Уақытша келтірілген қолайсыздықтар үшін кешірім сұраймыз!

Құрметті мемлекеттік сатып алу порталының пайдаланушылары!

24.12.2015

2015 жылғы 21 желтоқсанда «Мемлекеттік сатып алу туралы» (жаңа редакцияда) 2015 жылғы 4 желтоқсандағы Заңға түсінік беру бойынша семинар болып өткенін хабарлаймыз.

Қаржы министрлігі Мемлекеттік сатып алу заңнамасы департаментінің директоры Ахметов Сәбит Мейрамұлының баяндамасымен сіз мына сілтеме бойынша өтіп таныса саласыз.

ҚР ҚМ МСЗД С.М.Ахметовтың баяндамасы

Қосымша. Мемлекеттік сатып алудың жаңа тәсілдері туралы

Құрметті мемлекеттік сатып алу порталын пайдаланушылар!

15.12.2015

Мемлекеттік сатып алу веб-порталында алдын алу жұмыстарының жүргізілуіне байланысты «Баға ұсыныстары» модулі, «Конкурс және аукцион» модулі және Мемлекеттік сатып алудың сыртқы порталы 2015 жылғы 20 желтоқсандағы сағат 00:00 бастап 09:00 дейінгі кезеңде уақытша қол жетімді болмайды.

Осыған байланысты Орталық әлетті өнім берушілерге аяқталу мерзімдері көрсетілген уақыт кезеңіне тура келетін сатып алуға қатысу туралы ақпаратты алдын ала жолдауды ұсынады.

Уақытша келтірілген қолайсыздықтар үшін кешірім сұраймыз.

«Мемлекеттік сатып алу туралы» Қазақстан Республикасының Заңына өзгерістер мен толықтырулар енгізу туралы

15.12.2015

Құрметті пайдаланушылар!

Қазақстан Республикасының Президенті Н.Назарбаев 2015 жылғы 4 желтоқсанда «Мемлекеттік сатып алу туралы» Қазақстан Республикасының № 434-V Заңына (бұдан әрі – Заң) қол қойғандығы туралы хабарлаймыз.

Бұл ретте мыналарды:

1) 2016 жылғы 1 сәуірден бастап қолданысқа енгізілетін 31-бапты;

2) 2017 жылғы 1 қаңтардан бастап қолданысқа енгізілетін 43-баптың 26-тармағын қоспағанда,52-баптың 1-тармағына сәйкес осы Заң 2016 жылғы 1 қаңтардан бастап қолданысқа енгізіледі.

«Мемлекеттік сатып алу туралы» Заңмен (өзгерістермен және толықтырулармен бірге) танысу үшін сілтеме бойынша өтіңіз.

Жергілікті өзін-өзі басқару органдарына трансферттер есебінен сатып алу жүргізуге қатысты!

08.12.2015

Құрметті пайдаланушылар!

Мемлекеттік сатып алу веб-порталында 2015 жылғы 08 желтоқсаннан бастап «жергілікті өзін-өзі басқару органдарына трансферттер есебінен» сатып алу жүргізу функционалы қол жетімді екендігін хабарлаймыз.

Бұл үшін мемлекеттік мекемелер жылдық жоспардың тармағын құру кезеңінде «Қаржыландыру көзі» алабында тауарларды, жұмыстарды және қызметтерді сатып алу кезінде бірыңғай бюджеттік сыныптамаға сәйкес шығыстарды көрсетпеу мүмкіндігі ұсынылған.

Егжей-тегжейлі ақпаратты алу үшін «Конкурс және аукцион» модуліндегі жоспарлау бойынша пайдаланушының нұсқаулығымен және «Баға ұсыныстары» модуліндегі жоспарлау бойынша пайдаланушының нұсқаулығымен танысуды өтінеміз.

Мемлекеттік сатып алу субъектілері болып табылмайтындарға арналған 2016 жылдарға арналған жылдық жоспарларды орналастыру мүмкіндігі бар шаблон жаңартылды

04.12.2015

Құрметті мемлекеттік сатып алу веб-порталын пайдаланушылар!

Мемлекеттік сатып алу веб-порталында мемлекеттік сатып алу субъектілері болып табылмайтындарға арналған жылдық жоспарды импорттау шаблоны жаңартылғандығын хабарлаймыз.

Осыған байланысты, өткізілу мерзімі 1 қаңтардан басталатын, мемлекеттік сатып алу жоспарларын мынадай сілтеме бойынша жаңа шаблонға сәйкес толтырған жөн. Еxcel форматындағы жылдық мемлекеттік сатып алу жоспарларын импорттау мемлекеттік сатып алу веб-порталының түрлендірілген жүйесінде қол жетімді болады, оның қолданысқа енгізілетін күнін Орталық қосымша жариялайтын болады.

Құрметті пайдаланушылар!

03.12.2015

Ұлттық Куәландыру Орталығы шығарған жаңартылған сертификаттармен мемлекеттік сатып алу веб-порталына кірген кезде пайда болатын техникалық олқылықтарға байланысты 2015 жылғы 3 желтоқсандағы сағат 18:00 бастап 2015 жылғы 4 желтоқсандағы сағат 12:00 дейінгі кезеңге түсетін "Конкурс және Аукцион" және «Баға ұсыныстары» модулінде өтінімдерді қабылдаудың аяқталу мерзімдері, сондай-ақ ашу, қорытындыларды шығару хаттамалары 2015 жылғы 4 желтоқсандағы сағат 15:00 автоматты ауыстырылатын болады.

2015 жылғы 4 желтоқсандағы сағат 09-00 бастап – сағат 13-00 дейінгі кезеңге түсетін аукциондық сауда-саттықты өткізу мерзімдері 2015 жылғы 4 желтоқсандағы сағат 15-00 – 15-30 автоматты ауыстырылатын болады.

Автоматты ауыстырылған сатып алу бойынша ақпаратты қарау үшін мынадай сілтеме бойынша өтіңіз.

Уақытша қолайсыздықтар үшін кешірім өтінеміз.

Құрметті пайдаланушылар!

02.12.2015

«Конкурс және Аукцион» модулінің техникалық осалдықтарына байланысты, 2015 жылғы 2 желтоксандағы сағат 08:01 бастап 2015 жылғы 2 желтоксандағы сағат 13:59 дейінгі аралыққа түсетін, өтінімдерді қабылдау, сондай-ақ ашу процедураларының мерзімдері, автоматты түрде 2015 жылғы 2 желтоксандағы сағат 18:00 ауыстырылатын болады.

2015 жылғы 2 желтоксандағы сағат 09:00 – 13:00 аралығына түсетін аукциондық сауда-саттықтарды өткізу мерзімдері, автоматты түрде, 2015 жылғы 2 желтоксандағы сағат 15:00 – 15:30 ауыстырылатын болады.

Ауыстырылатын сатып алулар бойынша ақпаратты қарау үшін, келесі сілтеме бойынша өтіңіз.

Уақытша қолайсыздықтар үшін кешірім сұраймыз.

Құрметті пайдаланушылар!

27.11.2015

Біріктірілген салық ақпараттық жүйесі (бұдан әрі – БСАЖ) серверлік орталығында профилактикалық жұмыстарды жүргізумен байланысты Мемлекеттік сатып алу веб-порталында 2015 жылғы 28 қарашаның сағат 09:00 бастап 18:00 дейін мынадай функционал қолжетімсіз болатынын хабарлаймыз:

- Салық берешегінің болмауы (болуы) туралы мәліметтерді алу;

- Тіркеу және банк деректемелерін жаңарту;

- Мемлекеттік сатып алу веб-порталының жаңа пайдаланушыларын және қатысушыларын тіркеу.

Қажет болса, 2015 жылғы 27 қарашаға дейін мемлекеттік сатып алу веб-порталында жоғарыда көрсетілген ақпаратқа күні бұрын сұрау салуды және жаңартуды өтінеміз.

Уақытша қолайсыздықтар үшін кешірім өтінеміз.

НАЗАР АУДАРЫҢЫЗ!!! Құрметті мемлекеттік сатып алу веб-порталының пайдаланушылары!

27.11.2015 (10.12.2015 өзгерістермен)

Электрондық коммерция орталығы, мемлекеттік сатып алу саласында бірыңғай оператор бола отырып (бұдан әрі - Орталық), 2016 жылғы 01.01 бастап «Мемлекеттік сатып алу туралы» жаңа Заң күшіне енетінін хабарлайды.

Осыған байланысты, 2015жылғы 27.11 бастап 2016 жылға арналған мемлекеттік сатып алудың бекітілген жоспарларын, мемлекеттік сатып алу рәсімдері Веб-порталдың қолданыстағы тұғырында 2015 жылы жариялануы тиіс, 2016 жылға арналған тауарларды, жұмыстарды және қызметтерді сатып алудағы бар қажеттілікті қоспағанда, мына сілтеме бойынша жаңа үлгіге сәйкес толтыру қажет.

Мемлекеттік сатып алудың жылдық жоспарларын excel форматынан импорттау мемлекеттік сатып алу веб-порталының түрлендірілген жүйесінде қолжетімді, оны қолданысқа енгізу күнін Орталық қосымша жариялайтын болады.

Құрметті веб-порталды пайдаланушылар!

26.11.2015

Қазақстан Республикасы Инвестициялар және даму министрлігі Байланыс, ақпараттандыру және ақпарат комитетінің «Мемлекеттік техникалық қызмет» республикалық мемлекеттік кәсіпорны ҚР ҰКО жаңғыртылған бағдарламалық қамтамасыз етуінің өнеркәсіптік пайдалануға енгізілуіне байланысты 2015 жылғы 26 қарашада сағат 21:00 бастап 24:00 дейін ҚР ҰКО сервистері қол жетімді болмайтындығын хабарлайды.

Жылдық мемлекеттік сатып алу жоспарына енгізілген өзгерістер мен толықтырулар туралы, сондай-ақ 2013-2014 жылдарға арналған мемлекеттік сатып алу шарттары туралы мәліметтерді веб-порталда орналастыру бөлігінде тапсырыс берушілерге арналған ақпарат.

12.11.2015

Мемлекеттік сатып алу веб-порталында 2015 жылғы 14 қазаннан бастап жылдық мемлекеттік сатып алу (сатып алу рәсімдерін жүргізбей) жоспарының тармақтарын және 2013-2014 жылдарда жасасқан шарттар бойынша мәліметтерді орналастыру функционалы қол жетімді болатынын хабарлаймыз.

Мемлекеттік сатып алу заңнамасының нормаларын сақтау мақсатында веб-портал арқылы көрсетілген мерзімде толық көлемде барлық тиісті мәліметтерді, атап айтқанда жасасқан шарттар туралы, сатып алуды жүргізудің түпкілікті тәсілін көрсетіп жылдық мемлекеттік сатып алу жоспарына енгізілген өзгерістер мен толықтырулар туралы мәліметтерді енгізу қажет.

Құрметті веб-порталды пайдаланушылар!

12.11.2015

Қазіргі сәтте веб-порталда Java - Version 8 Update 31, сондай-ақ Version 8 Update 25 немесе одан төмен бағдарлама нұсқасын пайдалану ұсынылатындығын хабарлаймыз.

Осыған байланысты біздің әзірлеушілер goszakup.gov.kz-те Java бағдарламасының функционалдылығын қолдауды іске асырған және пайдалануға енгізу үшін толық тестілеуден өткізген сәтке дейін веб-порталды пайдаланушылардың жергілікті компьютерлерде Java бағдарламасын 8.31 жоғары жаңартпауларын өтінеміз.

Құрметпен, Электрондық коммерция орталығы

2016 жылға арналған жылдық жоспардың тармақтарын қолмен енгізу функционалы.

05.11.2015

2015 жылғы 05 қарашадан бастап мемлекеттік сатып алу веб-порталында «Конкурс және аукцион» және «Баға ұсыныстары» модульдерінде 2016 жылға арналған жылдық жоспардың тармақтарын қолмен енгізу функционалы қол жетімді екендігін хабарлаймыз.

Мемлекеттік сатып алудың excel форматындағы жылдық жоспарларын импорттау мемлекеттік сатып алу веб-порталының түрлендірілген жүйесінде, 2016 жылға арналған жылдық жоспардың шаблоны Қазақстан Республикасы Қаржы министрлігімен келісілген және бекітілген соң 2015 жылғы 18 қарашадан кейін ғана қол жетімді болады.

Құрметті Мемлекеттік сатып алудың тапсырыс берушілері!

05.11.2015

«Мемлекеттік сатып алу бойынша есептілік әкімшісін ауыстырудың жаңа функционалы».

Мемлекеттік сатып алу веб-порталында (бұдан әрі - Портал) мемлекеттік сатып алу мәліметтеріне мониторинг жүргізу есептілік әкімшілері бөлінісінде жүзеге асырылады, олар республикалық бюджеттік бағдарламалар әкімшілері және мемлекеттік сатып алуды үйлестіру және мониторинг жүргізу құзыретіне кіретін Астана және Алматы қалалары облыстарының уәкілетті органдары болып табылады.

Сонымен қатар, қазіргі уақытта көптеген тапсырыс берушілер іс жүзінде жоқ немесе сәйкес емес есептілік әкімшілерінің тіркеу деректерін көрсетумен сатып алуды жүргізеді.

«Мемлекеттік сатып алу туралы» жаңа заңның жобасына сәйкес есептілік әкімшілерінің бөлінісінде мемлекеттік сатып алуға мониторинг жүргізу болжанатынын, олардың нәтижелері Қазақстан Республикасы Президентінің әкімшілігіне және Үкіметіне есеп түрінде жіберілетін болатынын атап айтамыз.

Осыған байланысты, Порталда мемлекеттік сатып алу туралы сенімді мәліметтерді қалыптастыру мақсатында, мемлекеттік сатып алу бойынша есептілік әкімшілерін порталда дұрыс көрсетуді қамтамасыз ету қажет.

Осы жұмысты жүргізу үшін, Портал арқылы тапсырыс берушілер тиісті есептілік әкімшісіне сұраныс жіберуі тиіс.

Есептілік әкімшілері, өз кезегінде, есеп беруші және (немесе) ведомстволық бағыныстағы ұйым болып табылатын тапсырыс берушінің сұранысын растауы тиіс.

«Баға ұсынысын сұрату» модуліндегі есептілік әкімшілерін бекіту бойынша нұсқаулыққа сілтеме Порталдың басты бетіндегі «Анықтама» - «Пайдаланушылардың нұсқаулықтары» «Есептілік әкімшісін таңдау бойынша пайдаланушының нұсқаулығы» бөлімінде орналасқан. http://goszakup.gov.kz/wiki/index.php/%D2%9A%D0%9C_%D0%B5%D1%81%D0%B5%D0%B1%D1%96_%D0%B1%D0%BE%D0%B9%D1%8B%D0%BD%D1%88%D0%B0_%D0%BD%D2%B1%D1%81%D2%9B%D0%B0%D1%83%D0%BB%D1%8B%D2%93%D1%8B%D0%BD%D0%B4%D0%B0

«Конкурс және аукцион» модулінде есептілік әкімшілерін бекіту бойынша нұсқаулыққа сілтеме Порталдың басты бетіндегі «Анықтама» - «Пайдаланушылардың нұсқаулықтары» - «Конкурс және аукцион» модулі бойынша пайдаланушылардың нұсқаулықтары» - «Конкурс және аукцион» модулінде жоспарлау бойынша нұсқаулық» - «1.1 Конкурс және аукцион» модулінде есептілік әкімшісін таңдау бойынша пайдаланушының нұсқаулығы» бөлімінде орналасқан. http://goszakup.gov.kz/wiki/index.php/Oracle_%D0%B6%D2%AF%D0%B9%D0%B5%D1%81%D1%96%D0%BD%D0%B4%D0%B5%D0%B3%D1%96_%D0%A2%D0%96%D2%9A%D0%96-%D1%81%D3%99%D0%B9%D0%BA%D0%B5%D1%81_%D0%BC%D0%B5%D0%BC%D0%BB%D0%B5%D0%BA%D0%B5%D1%82%D1%82%D1%96%D0%BA_%D1%81%D0%B0%D1%82%D1%8B%D0%BF_%D0%B0%D0%BB%D1%83_%D0%B6%D0%BE%D1%81%D0%BF%D0%B0%D1%80%D1%8B%D0%BD_%D0%B6%D2%AF%D0%BA%D1%82%D0%B5%D1%83_%D0%B1%D0%BE%D0%B9%D1%8B%D0%BD%D1%88%D0%B0_%D0%BD%D2%B1%D1%81%D2%9B%D0%B0%D1%83%D0%BB%D1%8B%D2%9B

Барлық туындаған техникалық мәселелер бойынша Сіз «Электрондық коммерция орталығы» ЖШС Техникалық қолдау және тестілеу департаментіне жүгіне аласыз: телефоны 8 (7172) 72-90-90, электрондық почтасы support@ecc.kz, форумы http://forum.ecc.kz/.

Сәулет, қала құрылысы және құрылыс қызметi саласында инжинирингтік қызметтер (техникалық қадағалау) көрсетуге демпингті есептеуге қатысты ақпарат.

28.09.2015

Құрметті пайдаланушылар! 2015 жылғы 23 маусымдағы №378 Электрондық мемлекеттік сатып алуды жүргізу қағидаларына сәйкес «Электрондық сатып алу арқылы конкурс» тәсілімен сатып алуда 2015 жылғы 25 қыркүйектен бастап мемлекеттік сатып алу веб-порталының «Конкурс және аукцион» модулінде Сәулет, қала құрылысы және құрылыс қызметi саласында инжинирингтік қызметтер (техникалық қадағалау) көрсетуге демпингті есептеу функционалы қолжетімді екенін хабарлаймыз.

Егжей-тегжейлі ақпаратты алу үшін пайдаланушының нұсқаулығымен танысуды өтінеміз.

Құрметті пайдаланушылар!

28.08.2015

Қазақстан Республикасының инвестициялар және даму министрлігі байланыс, ақпараттандыру және ақпарат комитеті мынаны хабарлайды:

Microsft компаниясының Windows 10 жаңа операциялық жүйесіне жүргізген талдау негізінде, аталған операциялық жүйе Windows 7 және 8 операциялық жүйелеріне әзірленген криптографиялық бағдарламалардың ақпараттық қауіпсіздігіне қатыысты жұмыстарға әсер ететін бірнеше ерекшеліктер бар екендігін хабарлайды. Осыған байланысты, ТУМАР-CSP криптопровайдерінің 6 нұсқасын Windows 10 операциялық жүйесінде қолдану мүмкін емес.

Қазіргі кезде Windows 10 операциялық жүйесі үшін ТУМАР-CSP криптопровайдері әзірленуде.

Алайда, жүргізіліп жатқан жұмыстарға Windows 10 операциялық жүйесінің қауіпсіздігіне қатысты қосымша жаңартулардың шығуы әсер ету мүмкін.

Осыған орай, Windows 10 операциялық жүйесі үшін ТУМАР-CSP криптопровайдерін (бұдан әрі - Криптопровайдер) сертификациялау іс-шаралары 2016 жылы аяқталатынын хабарлаймыз.

Жоғарыда айтылғанға байланысты, қолданыстағы операциялық жүйелерді, Криптопровайдердің шығуына дейін, Windows 10 операциялық жүйесіне жаңартуды жүргізбеулеріңізді сұраймыз.

Құрметті пайдаланушылар!

13.08.2015

2015 жылғы 11 тамызда Қазақстан Республикасы Қаржы министрінің 2015 жылғы 23 маусымдағы № 379 бұйрығымен бекітілген (Әділет министрлігінде 2015 жылы 23 шілдеде № 11733 нөмірмен тіркелген) Мемлекеттік сатып алуды жүзеге асыру қағидалары қолданысқа енгізілді.

Құрметті пайдаланушылар!

13.08.2015

2015 жылғы 11 тамызда Қазақстан Республикасы Қаржы министрінің 2015 жылғы 23 маусымдағы № 378 бұйрығымен бекітілген (Әділет министрлігінде 2015 жылы 23 шілдеде № 11734 нөмірмен тіркелген) Электрондық мемлекеттік сатып алуды жүргізу қағидалары қолданысқа енгізілді.

Құрметті өнім берушілер!

19.06.2015

Отандық тауар өндірушілер және отандық жұмыстарды орындаушылар мен қызметтерді көрсетушілер арасындағы сатып алуға қатысуға қатысты мынаны хабарлаймыз. Егер тауарды, жұмысты немесе қызметті (бұдан әрі – ТЖҚ) http://ks.gov.kz/ «Қазақстандық мазмұн» интернет-порталында (бұдан әрі – ҚМИП) ТЖҚ деректер базасында тіркеу кезінде жүйе Сізге қажет ЭҚТӨЖ кодын таба алмаса, өтпелі кілттер кестесімен танысу қажет. Кестеде екі баған бар, оларда ТЖҚ БНА коды және ЭҚТӨЖ коды көрсетілген. Осы кестеде «ТЖҚ БНА» деген бағанда мемлекеттік сатып алу веб-порталында жарияланған лотта пайдаланылған код бар болған жағдайда, екінші бағанда көрсетілген ЭҚТӨЖ кодын пайдалана отырып, ҚМИП-тағы ТЖҚ деректер базасында ТЖҚ тіркеуден өту қажет.

Мысалы, егер жарияланған лот мынадай ТЖҚК ие болса - 01.11.43.00.00.00.03.10.2, онда ҚМИП-тағы ТЖҚ деректер базасында ТЖҚ тіркеу кезінде ЭҚТӨЖ-дің мына кодын көрсету қажет - 01.11.49. Сәтті тіркелгеннен кейін сіз ТЖҚК мынадай - 01.11.43.00.00.00.03.10.2 лот бойынша қатысуға өтінім бере аласыз.

Өтпелі кілттері бар ТЖҚ тізбесін сіз осында көшіріп жүктей аласыз

Веб-портал арқылы мемлекеттік сатып алуға жосықсыз қатысушылардың тізілімін қалыптастыру және жүргізу

20.05.2015

Құрметті мемлекеттік сатып алудың тапсырыс берушілері!

2015 жылғы 23 мамырда «Мемлекеттік сатып алу саласында бірыңғай республикалық тізілімдерді қалыптастырудың және жүргізудің қағидаларын бекіту туралы» Қаржы министрінің 2015 жылғы 31 наурыздағы №237 бұйрығы қолданысқа енгізіледі (Әділет министрлігінде 2015 жылғы 28 сәуірде №10820 тіркелді), оның 15 тармағы Веб-портал арқылы мемлекеттік сатып алуға жосықсыз қатысушылардың тізілімін жүргізуді көздейді.

Осыған орай, 2015 жылғы 23 мамырдан бастап әлеуеттік өнім берушіні мемлекеттік сатып алуға жосықсыз қатысушы деп таныған туралы заңды күшіне енген сот шешімін алғаннан кейін 3 жұмыс күні ішінде тапсырыс берушілер электрондық түрде мемлекеттік сатып алудың веб-порталы арқылы жоғарыда көрсетілген Ереженің 3-қосымшасына сәйкес осы өнім беруші туралы мәліметтерді уәкілетті органға ұсынуы тиіс.

Веб-портал арқылы көрсетілген тізілімді тапсырыс берушілердің қалыптастыруы және жүргізуі жөніндегі функционал 2015 жылғы 23 мамырдан бастап жұмыс істей бастайды.

Қазақстан Республикасы Қаржы министрінің 2015 жылғы 31 наурыздағы № 237 бұйрығы

Веб-портал арқылы МС жосықсыз қатысушылар тізілімін қалыптастыру және жүргізу жөніндегі нұсқаулығы

Құрметті Тапсырыс берушілер!

22.04.2015

Қазақстан Республикасының Қаржы министрлігі мемлекеттік сатып алу веб-порталында (бұдан әрі - Портал) мемлекеттік сатып алу мәліметтеріне мониторинг жасау есептілік әкімшілері бөлігінде іске асырылатынын хабарлайды, барлық тапсырыс берушілер есептілік әкімшілері болып табылады.

Сонымен қатар, қазіргі уақытта көптеген тапсырыс берушілер сатып алуды жоқ есептілік әкімшілерінің тіркеу деректерін көрсете отырып өткізеді.

Мемлекеттік сатып алу веб-порталында мемлекеттік сатып алу туралы шынайы мәліметтерді қалыптастыру мақсатында, сіздерге ведомстволық бағыныстағы және есеп беретін барлық ұйымдардың порталда есептілік әкімшілерін дұрыс көрсетуін қамтамасыз етуді сұраймыз.

Осы жұмысты жүргізу үшін, бұрынғы есептілік әкімшілері тапсырыс берушілерді Порталдан есеп беретін ұйымдар тізімінен алып тастауы қажет.

Нәтижесінде тапсырыс берушілердің «Қатысушыны тіркеу» бөлімінде қазіргі әкімшіні таңдауға және оған өзін есеп беретін ұйым ретінде бекітуге сұрау салу мүмкіндігі болады.

Есептілік әкімшілері, бірінші кезекте, есеп беретін және ведомстволық бағыныстағы ұйым болып табылатын тапсырыс берушінің «Есептілік әкімшісін бекіту туралы» сұрауын растаулары қажет.

«Баға ұсыныстарын сұрату» модулінде есептілік әкімшілерін бекіту бойынша нұсқаулық Порталдың басты бетіндегі «Анықтама» - «Пайдаланушылар нұсқаулығы» - «Есептілік әкімшісін таңдау бойынша пайдаланушының нұсқаулығы» бөлімінде орналастырылған.

«Конкурс және аукцион» модулінде Есептілік әкімшілерін бекіту бойынша нұсқаулық Порталдың басты бетіндегі «Анықтама» - «Пайдаланушылар нұсқаулығы» - «Конкурс және аукцион» модулі бойынша пайдаланушылар нұсқаулығы»» - «Oracle жүйесіндегі ТЖҚЖ-сәйкес мемлекеттік сатып алу жоспарын жүктеу бойынша нұсқаулық» - «1.1. «Конкурс және Аукцион» модулінде есептілік әкімшісін таңдау бойынша пайдаланушының нұсқаулығы» бөлімінде орналастырылған.

Туындаған барлық техникалық сұрақтар бойынша Сіз «Электрондық коммерция орталығы» ЖШС-ның Техникалық қолдау және тестілеу департаментіне жүгіне аласыз: телефоны 8 (7172) 72-90-90, электрондық пошта suport@ecc.kz, форум http://forum.ecc.kz/.

МЕМЛЕКЕТТІК САТЫП АЛУ СУБЪЕКТІЛЕРІ БОЛЫП ТАБЫЛМАЙТЫНДАРҒА АРНАЛҒАН 2015 ЖЫЛДАРҒА АРНАЛҒАН ЖЫЛДЫҚ ЖОСПАРЛАРДЫ ОРНАЛАСТЫРУ МҮМКІНДІГІ БАР ШАБЛОН ЖАҢАРТЫЛДЫ

02.12.2014

Құрметті пайдаланушылар! Мемлекеттік сатып алу веб-порталында 2014 жылғы 02 желтоқсанда мемлекеттік сатып алу субъектілері болып табылмайтындарға арналған жылдық жоспарды импорттау шаблоны жаңартылғандығын хабарлаймыз. Сатып алу жоспары бойынша ақпаратты орналастыру үшін мемлекеттік сатып алу субъектілері болып табылмайтындарға арналған «Жоспарлау» модулі жөніндегі нұсқаулықпен танысуларыңызды сұраймыз. Жылдық сатып алу жоспарының шаблонын көшіріп жүктеу және оны толтыру әдістемесімен танысу үшін сілтеме бойынша өтіңіз. Техникалық проблемалар туындаған жағдайда техникалық қолдау қызметіне жүгініңіз.

2015 ЖЫЛҒА АРНАЛҒАН ЖЫЛДЫҚ ЖОСПАРДЫ ОРНАЛАСТЫРУ МҮМКІНДІГІ БАР ШАБЛОН ЖАҢАРТЫЛДЫ

28.11.2014

Құрметті пайдаланушылар! 2014 жылғы 28 қарашада мемлекеттік сатып алу веб-порталында 2014-2015 жылға арналған жылдық жоспарларды орналастыруға арналған мемлекеттік сатып алудың жылдық жоспарын импорттау шаблоны жаңартылғандығын хабарлаймыз.

«Конкурс және аукцион» модулінде МС жылдық жоспарын орналастыру үшін пайдаланушының жоспарлау жөніндегі нұсқаулығымен таңысыңыз.

«Баға ұсыныстары» модулінде МС жылдық жоспарын орналастыру үшін осы пайдаланушының жоспарлау жөніндегі нұсқаулығымен таңысыңыз.

Шаблонның құрылымын өзгертпеу, бағандарды, ұяшықтарды қоспау, жоймау, біріктірмеу ұсынылады. Шаблон құрылымын өзгерту деректерді жүктеу кезінде қателердің туындауына әкеліп соқтырады. Техникалық проблемалар туындаған жағдайда техникалық қолдау қызметіне жүгініңіз.

Жүйеде жұмыс істеу жөніндегі нұсқаулықтар

Нұсқаулықтармен танысу үшін:

«Конкурс» модулінде жұмыс істеу жөніндегі қысқаша роликті қарау үшін мына сілтеме бойынша өтіңіз.